شعر عن قبيلة قحطان في السعودية ، تعتبر قبيلة قحطان من اكبر القبائل انتشارا في المملكة العربية السعودية وشبه الجزيرة العربية بشكل عام ، وتجدر الاشارة ان الاف الشعراء عبر التاريخ تغنوا بقبيلة قحطان في اشعارهم وادبياتهم ، ولكننا وعبر منصة فكرة اليوم اخترنا لكم اعذب الابيات الشعرية التي تحاكي كرم وشجاعة وجمال واصالة وفروسية قبيلة قحطان حفظها الله فتابعوها معنا في الفقرة القادمة من موضوعنا هذا ادناه عن شعر عن قبيلة قحطان في السعودية .
المحتويات
شعر عن قبيلة قحطان في السعودية
شعر في قبيلة قحطان في السعودية
أقول وش اقول عن قحطان ولد الاصيل
ان تبحثون عنهم هم كالنجم ما له واصل ولا له طايل
نجم سهيل بالسما يخيم على الارض بنور
ينثر ببيوتنا الفرح ويزرع فرح وسرور
احبك يا ولد قحطان اي احبك وفي حبك لا الف ولا ادور
احبك يا وجه الخير وعن حبك ما اتحول
وما اكتفي واللي يقرب منك باذى اسقيه مر الويل
قصيدة في حب قحطان
قصيدة في حب قحطان
، يااللي تهوز الضلع بالقـرن مسكيـن
مسكيـن والله غـرروك المساكيـن
وان كان تبغى الصدق والصدق منجاه
كلمتك لا تحسب ولا توفـي الديـن
ترسل على الجـوال نكتـه قبيحـه
تقول المهايط سلـم عنـد القحاطيـن
لاشك خذها اليوم من كف صاحـب
واسمع علـوم مرجحيـن الموازيـن
حنـا عيـال العـود روس القبايـل
حنا هـل الطالـه كعـام المعاديـن
حنا هـل النخـوه نهـار الملاقـى
نقبل على الهيجاء سـواة الشياهيـن
حنا الحسب حنا النسب في الجزيره
وان جات للسلطه ترانـا السلاطيـن
حنا العرب ساس العرب يـا مغفـل
تاريخنـا يعطيـك عنـا براهـيـن
يكفيك ( حسان بن ثابـت ) وكافـي
شاعـر نبـي الله خـتـام النبيـيـن
قصيدتـه للحيـن تقـرا وتكـتـب
تخيـل ؟ مـن الجاهليـه لهلحـيـن
(نحن بنـو قحطـان هـوداً جدنـا)
واجدادنا الغـر الزحـول المياميـن
حنا قحطان ايـه قحطـان العريبـه
اهل الفعايل لا نعـى ناعـي البيـن
قصيرنـا ينـعـم بنعـمـة ذرانــا
نقسم عشانا في رضى الجار قسمين
وخوينـا يبشـر بنـا فـي لزومـه
حنا على باديه فـي العسـر والليـن
ونسيبنـا يفخـر بنـا ونفتخـر بـه
ولا نـدور فـي النسـب للمزاييـن
ورفيقنـا لـه فـي رفقنـا بنـايـد
اليا زهمنـا نجيـه مثـل المجابيـن
في جهلنا نجهل علـى كـل جاهـل
اميرنـا شيطـان وحنـا شياطـيـن
وفي حلمنا اثقل من جبـال رواسـي
اميرنـا رحمـان وحنـا رحامـيـن
فعولنـا فـي كـل ديـره عقـوبـه
انشد عن اللي شافها شـوف بالعيـن
وقايـع منـهـا يشـيـب الغلـيـم
اهوالهـا باهـوال حطيـن وحنيـن
حفيفنـا لاصــد عـنـا مـواجـر
ولرضى مشايخنـا يقـرب قرابيـن
وعـدونـا كـانـه نـوانـا بنـيـه
لاهازنا ندبل لـه الصـاع صاعيـن
وطليبنـا لـو كــان داره بعـيـده
ليالـي وصبـح عشـاءً لام تاجيـن
وشيوخنـا مقـدم شيـوخ العشايـر
لانوخت دعوى العرب بيـن صفيـن
منا المهادي وابـن هـادي وشالـح
ومنـا الشفاليـت الدهـاة الدناديـن
ومنا جمل وجراب والذيـب فـراج
واللي خذا من القوم تسعه وتسعيـن
مسعود يـوم اشتـل عيلـة رفيقـه
شعر عن قبيلة قحطان في السعودية
وساق العوادي مثل سوق البعاريـن
وتكفيك قصـة ذيـب بيـن القبايـل
يوم احتمى الخلفات دون المغيريـن
هـذي فعايلنـا وبـاقـي وبـاقـي
لاقلـت لـك ثنتيـن باقـي ثمانيـن
فينا الوفاء والطيـب طبـع وجبلـه
وفينا الكرم والجـود دايـم مقيميـن
وفينا الفخر والعـز خصلـه عتيقـه
لها بوسـط نفوسنـا سنيـن وسنيـن
يعرف عيال مضيم من ضـاع رايـه
ومن طيحه في نارنـا فالـه الشيـن
ويعرف عيال مضيم مـن زل حـده
وصالى حرايبنـا وعانـا الامريـن
ويشهد لنـا بأفعالنـا كـل عـارف
من البحر الاحمر لين عجمان والعين
يشهد لنا تركـي ومسلـط وفيصـل
ويشهد لنا عبيد العلي وابـن حثليـن
حدودنا مـن حـد نجـران علـوى
لي حد ظلماء لبرق الخيـل للريـن
نستاهـل النعـم وقلـيـل عليـنـا
حتى ولو يدبـل لنـا النعـم نعميـن
ولا على القبايل زود كل لـه ايـده
فـي ذمتـي وافيـن وافيـن وافيـن
وتتمنى منصة فكرة الاعلامية ان تكون قد قدمت لكم موضوعا شيقا عن شعر في قبيلة قحطان وتعدكم بتقديم كل ما هو جديد لكم دائما .
شاهد ايضا :